Бөгелмәдә Фәрит Газизуллинның шәхси күргәзмәсе ачылды
Фәрит Газизуллин-якты шәхес. Ул үзенең кызыклы образы белән генә түгел, талантлы эшләре белән дә яулый. Татар мәдәният үзәгендә рәссамның юбилей, илленче күргәзмәсе ачылды. Биредә 100дән артык картина һәм минераллар коллекциясе тәкъдим ителгән.
Фәрит Газизуллинның тормышы гадәти түгел, ул маҗаралар, сәяхәтләр белән тулы. Болар барысы да аның картиналарында чагыла. Шәһәр көне алдыннан 50 нче юбилей күргәзмәсе ачылды. Рәссамны котларга Бөгелмә районы башлыгы Линар Закиров килде.
"Фәрит Газизуллин-бик сәләтле кеше. Ул үзенең әсәрләре белән безне әйләнә-тирәдәгеләрнең кадерен белергә, яратырга өйрәтә. Нәкъ менә Фәрит Зәйдулла улы, танылган сәнгать эшлеклеләре белән беррәттән, шәһәребезнең һәм республикабызның мәдәни мирасын тәшкил итә", - дип билгеләп үтте район башлыгы.
Фәрит Газизуллинның» сәфәр юллары " белән Татар мәдәният үзәгендә танышырга мөмкин. Күргәзмә сентябрь ахырына кадәр эшләячәк.