Узган атнада Гончаров урамындагы православие зираты территориясен җыештыру өмәсе булып узды. Моннан тыш, Соколка тавындагы мөселман зиратыннан һәм Кызыл Армия урамындагы зираттан чүп-чар чыгарылды. Бу хакта шәһәр Башкарма комитеты җитәкчесе Михаил Конков хәбәр итте.
Җыештыру эшләре шәһәр предприятиеләре көче белән оештырылган иде: Бөгелмә электр челтәрләре, Бөгелмә-Сервис, Бөгелмә җылылык челтәрләре предприятиесе, Төньяк Нива Татарстан, Горгаз, Бөгелмә водоканалы, "Феликс" төзелеш компаниясе һәм 1 нче икмәк продуктлары комбинаты. 180 кубометрдан артык чүп чыгарылган.
"Әлегә һава торышы шәһәр зиратларын җыештыруны дәвам итәргә мөмкинлек бирә", - дип нәтиҗә ясады Михаил Конков.