Бөгелмәлеләр 2022 елда төзекләндерү өчен ишегалларын һәм җәмәгать киңлекләрен сайлаячак
26 апрельдә Татарстан Дәүләт хезмәтләре порталында һәм «ТР Хезмәтләре» мобиль кушымтасында 2022 елда төзекләндереләчәк объектлар өчен тавыш бирү башлана. Хәзер, җәмәгать киңлекләреннән тыш, республика халкы «Безнең ишегалды» республика программасы кысаларында, реконструкцияләнәчәк топ-200 ишегалдын үзләре билгели алачак.
Бөгелмәнең иҗтимагый киңлекләрен үстерү турында үз фикереңне объектлар буенча сораштырулар узып әйтергә мөмкин булачак. Бу - Муса Җәлил урамы, Муса Җәлил урамындагы үзәк сулыкка якын территория, Газинур Гафиятуллин урамындагы җәяүлеләр зонасы, Владимир Ленин урамындагы җәяүлеләр зонасы, Яшьләр сарае янындагы сквер.
2022 елгы төзекләндерү объектлары өчен тавыш бирү 30 майга кадәр дәвам итәчәк. Аның төп бурычы - торак пунктларны яшәү өчен уңайлырак итү генә түгел, ә иң мөһиме – бу процесска халыкны җәлеп итү.