Финиш сызыгында: Бөгелмәдә Татарстандагы беренче ел әйләнәсе сәламәтләндерү лагерен капиталь ремонтлау төгәлләнеп килә
Бөгелмә мэры Линар Закиров традицион төзелеш сәфәре кысаларында, социаль әһәмияткә ия объектларда булды, аларда төзекләндерү эшләре бара.
Татарстандагы беренче аз хәрәкәтле балалар өчен ел әйләнәсе сәламәтләндерү лагеренда ремонт эшләре финиш сызыгында диярлек. "А.Д.Губин исемендәге яшьләр сәламәтләндерү үзәге" танымаслык булып үзгәрде. Иске биналарны планлаштыру хәзер заманча нормаларга һәм таләпләргә туры килә.
2018 елда ук "Марш-2018" архитектур воркшопасы кысаларынд, яшь архитекторлар балалар лагерен яңарту концепциясен эшләде, ул иҗтимагый киңлекне ел әйләнәсендә куллануны күздә тотты. Белгечләр кулланучыларның төрле төркемнәре: лагерь сменаларына, спортчыларга, шулай ук гаилә ялына трансформацияләнә һәм яраклаша ала торган инфраструктураны карадылар.
2017 елдан бирле "Энергетик" стадионында чүкеч тавышы туктамый. Мондый дәвамлы эшләрнең сәбәбе шунда ки, стадион ярты гасыр капиталь ремонтсыз торды һәм бу вакыт эчендә анда барысы да диярлек тузган. Түбәдән су ага, эскәмияләр тирбәлә, яктылык җитәрлек түгел иде.
Герцен урамында төзелә торган күпфатирлы йортта төзелеш эшләре дә икеләтә көч белән уза. Тиздән кешеләр озак көтелгән фатирлардан ачкычлар алачак.