Бөгелмәлеләр ярыммарафонда катнашты

10 сентябрь 2019 ел., сишәмбе

Әлмәттә ярыммарафон булды.  "Бөгелмә» йөгереш яратучылар клубы быел йөгерештә актив катнашты. Бөгелмәдән тугыз кеше ярыммарафонда - 21 км йөгерде, ике кеше - 10 км йөгерде, дүрт кеше - 3 км йөгерде.

Бөгелмәлеләр быел бик уңышлы чыгыш ясадылар. 21 км дистанциядә 4 нче мәктәп укытучысы Ильяс Шәйгарданов үз яшь төркемендә беренче урынны алды, Альберт Гайнанов үз яшь төркемендә өченче, 2 нче лицей укытучысы Игорь Иванников үз яшь төркемендә өченче урынны алды. «Бөгелмә челтәрләре челтәрләр компаниясе» ААҖ хезмәткәре Евгений Муравцев бу дистанциядә шәхси рекорд куйды, «ТатНИПИнефть» институтыннан Рөстәм Илалов һәм Дмитрий Кемаев бу дистанциядә шәхси рекордларын куйды. Хезмәттәшләре Руслан Зиннуров гомерендә беренче тапкыр ярыммарафон дистанциясен узды. Моннан тыш, 2нче лицей укучысы Элина Кемаева һәм пенсионер Татьяна Илюхина өч километр араны йөгереп үттеләр. Бу спортчылар барысы да йөгерү белән актив шөгыльләнә һәм «Бөгелмә» йөгереш яратучылар клубы әгъзалары булып торалар.

Моннан тыш, 21 километр араны Виталий Конаков һәм Фәрит Сәлимов, 10 километр араны Сергей Александров һәм Денис Гапонов йөгереп үттеләр.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования